Iran Waxay Muddo Sadaxe sano ah gudahood awoodi Doontaa inay Duqayso Wadamada yurub & Maraykanka.
Dawladda Yibraha ayaa shalay lajadeedii la yaqaanay ku hanjabtay inay weerari doonto wadamada Iran, Suuriya & weliba xarakaadka kale ee Xisbullaah & Xamaas si ay u burburiso dhismaha barnaamijka Nuclier-ka ee Iran sida uu sheegay ku xigeenka rasalwasaaraha yuhuudda Gen. Moosheeh Yugaaluun. halka sidoo kalena uu shalay soo saaray machadka Daraasaadka istiraatiijiyadda caalmiga ah ee London in Iran oo Islaami ahi ay muddo 10 sano gudahood ah gaadhi doonto inay Duqayso Gobolada bari ee maraykanka.
Col, Maxamed Maxamuud Weyrax oo Lagu Naanaysi Jiray (Col, Weyrax) kana mid ahaa sraakiisha dhanka Ciidamada ee sanadahii dambe ugu caansanaa safafka Milateriga ayaa saaka ku geeriyooday Caasimada hargaysa oo uu arimo caafimaad ugu sugnaa muddo sanado ah, waxana marxuumka uu aaskiisu hadda ka socdaa xabaalaha Naaso hablood ee Magaaaladaasi Hargaysa, Innaalillaahi Wa Innaa Ilayhi Raajicuun.
Wasiirka Difaaca ee Iran Axmed Waxiidi ayaa ku dhawaaqay maalintii shalay ee Axadda in wadankiisu ku guulaystay inay samaystaan Mashiinka Ridaya gantaalaha ka hortaga sawaariikhda ee Cruz kaasoo ay daqiiqadiiba ka dhacayaan 4000 oo gantaal, halka uu sidoo kalena sheegay inay khubarada reer Iran ku mashquulsan yahiin sidii ay u soo saari lahaayeen qalab ka sii casrisan oo laga hagi karo gantaalaha kale ee Ridada gaaban, Ridada dhexe & ridada fog.
Amiirka Al-Shabaab ee Banaadir & labada Shabeelle Fu'aad Mohamed Khalaf (Ina Shongole) oo ka soo jeeda Deegaanada Puntland ayaa Masjidka dabaqiin ee Suuqa Bakaaro qeybta Cabdulle Shideeye laga qaaday isagoo ku dhawaaqayay AAWEEN MUJAAHIDIINTII,ABUU MARYAMA MA DHINTAY,ABUU MEYMUUN MA DHINTAY. Fu'ad Shongole waxaa burbursanaa garabka bidix ilaa wajiga,waxaa laga soo dhex saaray meeydadka 42 qof iyo 38 dhaawaca oo badankood ay ahaayeen Saraakiisha Al-Shabaab kadib markii Masjidka dabaqa kore iyo kan hoose ay saameeyeen sedex qarax is daba joog ahaa,wuxuuna nin ka badbaaday indhahiisa ku arkay Fuad oo dhiig buuxiyay isaga iyo kursigii uu ku fadhiyay.
